2017

वारक-यांसाठी मोफत आरोग्य तपासणी शिबिर (१९-०६-२०१७)

मागोवा

 
अक्षर स्पर्श मतिमंद व अपंग विद्यार्थ्यां साठी मोफत आरोग्य तपासणी शिबिर (२७-०६-२०१७)
अक्षर स्पर्श मतिमंद व अपंग विद्यार्थ्यां साठी काम करणारी सरकार मान्य संस्था धनकवडी पुणे येथे आहे. परंतु त्यांना Government Aid मिळत नाही. २७-०६-२०१७ रोजी, या शाळेत 16 विद्यार्थी, तसेच ४ स्टाफ यांच्या साठी मोफत आरोग्य तपासणि शिबीराचे आयोजन करण्यात आले. संस्थेने घेतलेले शिबीर फारच उपयोगी ठरले. दर ३ महिन्यांनी शिबीर घेण्याचा संस्थेचा नीर्धार आहे.

 

वारक-यांसाठी मोफत आरोग्य तपासणी शिबिर (१९-०६-२०१७)

 

टाळ-मृदुंगाच्या साथीने, 'जय जय रामकृष्णहरि' च्या नामघोषात, ऊन-पाऊस-वारा कशाचीही तमा न बाळगता लाखो वारकरी दरवर्षी श्रीविठ्ठलाच्या ओढीने पंढरपूरी जातात. या वारक-यांची काही अल्प सेवा करता यावी या उद्देशाने दर वर्षी संस्थेतर्फे एक मोफत आरोग्य तपासणी शिबिराचे आयोजन करण्यात येते.

या वर्षी दि. 19 जून 2027 ला बिबवेवाडी येथे, नांदेडहून आलेल्या वारक-यांसाठी आरोग्य शिबिराचे आयोजन करण्यात आले.
या शिबिरात 500 वारक-यांची मोफत तपासणी करण्यात आली. सर्वांना मोफत औषधे देण्यात आली.

अत्यंत शिस्तबद्ध आणि भक्तीमय वातावरणात हे शिबिर संपन्न झालं. शिबिरात रांगेत उभ्या असलेल्या वारक-यांनी उत्स्फूर्तपणे 'ज्ञानोबा माउली तुकाराम' चा नामघोष करत वातावरण भक्तीमय केले.

सर्व वारक-यांना , प.पू.सद्गुरू श्रीकाका महाराजांनी लिहिलेली मंथन- अमृतधारा ही पुस्तकांचे , तसेच प.पू.श्रीकाका महाराजांवर रचलेले नित्यपाठांचे वाटप करण्यात आले.

या शिबिरासाठी डॉ. अश्विनी बुधे. डॉ. प्रल्हाद शिंदे, डॉ. सौ. शिंदे, डॉ. राणे, डॉ. सौ. नाईक यांचे मोलाचे योगदान लाभले.